Serbi, lirohet miliarderi Miskovic
23/07/2013 00:00
Miroslav Mishkovic, biznesmeni serb i arrestuar dhjetorin e kaluar nën akuzën e korrupsionit ka fituar lirinë kundrejt garancisë.
Mishkovic, 67-vjeç, një ndër biznesmenët më të fuqishëm në Serbi, por edhe në Ballkan, që renditet edhe mes personave më të pasur në rajon, u la i lirë pas pagesës së një garancie prej 12 milion eurosh.
Ai do të përballet me akuzat e ngritura kundër tij për evazion fiskal dhe abuzime me detyrën gjatë kohës kur kryente funksione shtetërore, në gjendje të lirë.
Arrestimi i Mishkovic u përcoll në mediat serbe dhe më gjerë si shenja e parë e luftës së autoriteteve kundër korrupsionit.
Top Channel