Përballja me BE-në, Kroacia rrezikon sanksione
27/08/2013 15:20
Zgjedhjet në Maqedoninë e Veriut, Bujar Osmani: Jam thellësisht i nderuar dhe i përulur nga besimi dhe mbështetja juaj 25/04 13:15
Kroacia. anëtari më i fundit i Bashkimit Europian mund të përballet me penalitete nga ana e Brukselit, si rrjedhojë e vendimit të Zagrebit për të mos zbatuar një mandat arresti të lëshuar prej Gjermanisë.
Vendi ballkanik iu bashkangjit BE-së në datën 1 korrik, ndërsa në fund të qershorit nënshkroi një ligj që rregullonte të drejtën e ekstradimeve për krimet e ndodhura pas gushtit 2002.
Megjithatë, Gjermania kërkon prej Kroacisë që t’i dorëzojë Josip Perkoviç, një ish-anëtar i Shërbimeve Sekrete Jugosllave, i dyshuar për vrasjen e një disidenti kroat në vitin 1983.
Komisioni Europian është duke studiuar çështjen.
Kroacia pritet të përfitojë miliarda euro ndihma nga Brukseli për modernizimin e infrastrukturës dhe realizimin e reformave në vitet në vazhdim, fonde të cilat mund të cënohen nga kjo përballje juridike.
Top Channel
