Shkupi zgjidh ngërçin tregtar

Në këtë mënyrë pritet të hiqet edhe taksa ndaj qytetarëve kosovarë që kërkojnë të hyjnë në Maqedoni dhe që qeveria kosovare nga ana e saj të zhbllokojë importin e produkteve maqedonase.

Në këtë mënyrë, shumë shpejt kufiri mes Kosovës dhe Maqedonisë do t’i kthehet normalitetit, me tregtinë mes dy vendeve që do të rifillojë qarkullimin.

Heqja e vendimit nga Shkupi zyrtar arrihet pas një seri kontaktesh të vazhdueshme mes eksponentëve të qeverisë maqedonase dhe atyre të asaj kosovare.

Vetë shoqatat e biznesit ishin shprehur kundër kësaj bllokade, e cila sipas tyre dëmtonte të dyja palët, sidomos Maqedoninë që eksporton më shumë mallra në Kosovë.

Edhe kryeministri kosovar, Hashim Thaçi nxiti në ditët e fundit zëvendëskryeministrat Hajredin Kuçi dhe Mimoza Kusari Lila që të intensifikonin kontaktet me homologët maqedonas, me qëllim zgjidhjen e një problemi “që nuk i bën mirë askujt”.

Top Channel