Greqi, hetim lidhjes polici-Agimi i Artë
24/09/2013 00:00
Numërohen 88% e votave në Maqedoni, kandidatja e VMRO udhëheq me diferencë të thellë. Osmani shkon në 32 mijë vota para Taravarit 24/04 23:18
Akuzat për lidhje të efektivëve të policisë, mes të cilëve edhe drejtuesve të lartë të saj me nazistët e Agimit të Artë, shtynë Ministrin grek të Mbrojtjes së Qytetarit, Nikos Dendias të urdhërojë ngritjen e një task force për hetimin e kësaj.
Grupi hetimor do të drejtohet nga kreu i Shërbimit të Brendshëm të policisë greke, Panajotis Stathis. Stathis do të përpiqet të vërtetojë akuzat e hedhura në mediat vendase për lidhjen e eksponentëve të policisë dhe pjesëmarrjen e tyre në aktivitetet e dhunshme të Agimit të Artë.
Hetimi nis pak ditë pas vrasjes së një këngëtari të majtë, i njohur për bindjet e tij anti-fashiste në Greqi. Vrasja e të riut shkaktoi protesta në vend dhe përplasje mes qytetarëve dhe simpatizantëve të Agimit të Artë.
Policia arrestoi autorin e vrasjes që pranoi se ishte pjesë e lëvizjes së ekstremit të djathtë. Vetë deputetët e Agimit të Artë mohuan të kenë gisht në këtë vrasje, ndërsa si masë kundër tyre, qeveria vendosi heqjen e truprojës policore për këta deputetë dhe cilësimin e veprave të tyre si kriminale.
Top Channel
