BEI, 100 milionë euro financim Rumanisë
25/09/2013 00:00
Dështojnë sërish negociatat në Bruksel mes Kosovës dhe Serbisë për dinarin serb! Bislimi: Takim i kotë, pa rezultat 18/04 17:48
Banka Evropiane e Investimeve dhe grupi BRD nga Societe Generale kanë firmosur një marrëveshje prej 100 milionë eurosh për të financuar projekte për krijimin e vendeve të reja të punës dhe rritjen e konkurrencës në Rumani.
Fondet e BEI do të angazhohen për të financuar projekte të promovuara nga PMI-të, siç njihen ndryshe kompanitë me kapacitete të mesme dhe entet e sektorit publik.
Sipas BEI, këto fonde do të mbështesin konsolidimin dhe diversifikimin e ekonomisë, përveçse do të rrisin konkurrencën përmes shtimit të kapaciteteve të kredidhënies afatgjatë.
Ky borxh përbën vazhdimin e bashkëpunimit mes BEI dhe BRD, me të parin që ka furnizuar katër linja krediti të dytës për një total prej 230 milionë eurosh.
Një pjesë domethënëse e huave të BEI-së në Rumani përbëhet nga fonde për institucionet financiare për t’u dhënë kredi ndërmarrjeve rumune.
Në pesë vitet e fundit Banka Evropiane e Investimeve ka ofruar mbi 800 milionë euro linja kredidhënieje për bankat dhe kompanitë në Rumani.
Top Channel
