15:35 Select
16:28 Permbledhje Ditore BB7
Programi i plote
PUBLICITET
Rama: Ndarje e re territoriale
17/10/2013

Reforma administrative territoriale është cilësuar nga kryeministri Edi Rama si një sfidë tejet e rëndësishme për zhvillimin e vendit.

Gjatë një konference organizuar nga Qeveria me mbështjen e OSBE-së, kreu i ekzekutivit e quajti ndarjen e tanishme administrative të vendit, si një dallgëzim demografik i trashëguar prej të shkuarës diktatoriale.

"Dialog me të gjithë aktorët. Eshtë një proces i reformës administrative territoriale që duhet dhe ne do të bëjmë çmos që të jetë tërësisht përfshirës, kompleksitet në qasje, por me një synim të përbashkët dhe të pandashëm, thjeshtëzim në ndarjet territoriale. Fuqizim i hapësirave ekonomike, sociale
Fuqizim i hapësirave ekonomike, sociale dhe kulturore të njësive vendore, në funksion të fuqizimit tërësor të vendit dhe padyshim në fund të fundit, ky është edhe thelbi i kësaj reforme

Edi Rama
Kryeminister
dhe kulturore të njësive vendore, në funksion të fuqizimit tërësor të vendit dhe padyshim në fund të fundit, ky është edhe thelbi i kësaj reforme", tha Rama.

Kryeministri e ilustroi me shifra koston që paguajnë takspaguesit shqiptarë për administratën e pushtetit lokal.

"Eshtë e papranueshme në kushtet e Shqipërisë dhe jo thjesht të Shqipërisë në krizë ekonomike, por të Shqipërisë kështu siç e kemi, me mundësitë që kemi, që administrata e komunave, t'i kushtojë taksapaguesve 25 milionë dollarë në vit dhe të ketë 80 komuna me më pak se 5 mijë banorë dhe jo pak, por 71 komuna që i kanë të ardhurat zero dhe që qëndrojnë në këmbë vetëm falë pagave të financuara nga buxheti i shtetit", tha Rama.

Një ndarje e re administrative e vendit, theksoi Kryeministri do t'i shërbejë fuqizimit të ekonomisë së vendit me ndikim të drejtpërdrejtë tek qytetarët.

Ambasadori OSBE-së Florian Raunig deklaroi se ndarja admistrative dhe territoriale e Shqipërisë rezultoi në njësi shumë të vogla të qeverisjes vendore me burime shumë të kufizuara që në shumë raste e ka bërë shumë të vështirë për pushtetin vendor në ofrimin e shërbimeve publike cilësore për qytetarët e vet.

Ndërsa Ettore Sequi kreu misionit të BE-së në Tiranë u shpreh se “esenca e kësaj reforme do të jetë produkti final që duhet të zotërohet nga ata të cilët do ta zbatojnë në praktikë. Konsultimet dhe bashkëpunimet midis autoriteteve të pushtetit vendor është thelbësor në këtë reformë", theksoi Sequi. Sipas Bledi Çuçit, ministër Shteti për Çështjet Vendore, ndarja e re administrative e vendit nëpërmjet kësaj reforme synohet të përfundojë përpara zgjedhjeve lokale të 2015-s.
/ Top Channel



Facebook


Më shumë nga politika
“Dështimi do dëmtojë Shqipërinë”
Nga Strasburgu, ku eurodeputetët u mblodhën për herë të fundit, ka shprehur keqardhjen për këtë dështim edhe kryetari i delegacionit për Ballkanin në Parlamentin Europian, Eduard Kukan.
Ushtria, vijojnë akuzat PD-PS
Mazhoranca dhe opozita kanë vijuar edhe të premten akuzat e ndërsjella përsa i përket përshirjes së supozuar të infrastrukturës së ushtrisë shqiptare në trafik droge.
Basha: Do ketë destabilizim politik
Kryetari i Partisë Demokratike, Lulëzim Basha paralajmëron destabilizim politik në vend për shkak të refuzimit sipas tij që mazhoranca po i bën konsensusit me opozitën për refomën territoriale. Basha tha se kjo reformë duhet t’i shërbejë qytetarëve dhe jo hartave elektorale të partive politike.
Mazhoranca i jep fund pritjes së opozitës
Mazhoronca i jep fund pritjes së opozitës për të marrë pjesë në komisionin e posaçëm parlamentar për reformën administratrativo-territoriale të vendit.
Prokuroria: Po verifikojmë akuzat
Kur opozita vijon të akuzojë publikisht ushtrinë, për implikim në trafikun e drogës nëpërmjet bazës ajrore të Gjadrit, Prokurori i Përgjitshëm Adriatik Llalla shprehet se kanë nisur verifikimet për këtë çështje.


Lajmet kryesore

Rama: Ndarje e re territoriale
Balla: Deklaratën e dështoi Berisha

“Deputetët e PD ishin dakord, kryeplaku prishi konsensusin”
“Dështimi do dëmtojë Shqipërinë”
Basha: Do ketë destabilizim politik
Ushtria, vijojnë akuzat PD-PS
Të gjithë kritikojnë Gjyqësorin
Qytetarët në qeverisjen elektronike
Më të lexuarat
Temat e ditës
Ukraina, Akuzat për ushtrinë, Reforma territoriale, Irani, Aksidente rrugore, Eksplozivi, Statusi
Top Channel 2001-2014
Ndalohet riprodhimi i paautorizuar i permbajtjes se kesaj faqeje.