Bosnje, varri masiv me mbi 350 të ekzekutuar

Eshtrat e zbuluara besohet se i përkasin viktimave boshnjake dhe kroate të ekzekutuara prej trupave paraushtarake jugosllave në afërsi të Prijedorit.

Sipas mjekëve ligjorë, të ndjerët i përkasin një prej valëve të para të spastrimit etnik të ndërmarrë me urdhër të Milosheviçit, gjatë verës së 1992-shit.

Kjo varrezë masive e zbuluar në Tomasica është një prej më të mëdhave në dekadën e fundit.

Eshtrat përkatëse të 231 personave janë rikuperuar, si dhe gjithashtu eshtrat jo të plota të 112 personave të tjerë.

Identifikimi i të ndjerëve, një proces që mund të marrë deri në disa muaj, ka nisur paralelisht me gërmimet.

Sipas mediave boshnjake, nuk ka ende asnjë garanci për numrin e personave që janë ekzekutuar në këtë vend të vetëm.

Lufta për pavarësi i kushtoi Bosnjes rreth 200 mijë viktima, ndërsa disa mijëra njerëz vazhdojnë të konsiderohen zyrtarisht të humbur deri më sot.

Top Channel