Riatdhesohen trupat e dy gazetarëve francezë
05/11/2013 00:00
Përfundon seanca në Gjykatën e Lartë lidhur me pretendimet e ish Presidentit Trump për imunitet absolut 25/04 21:57
Trupat e pajetë të dy gazetarëve francezë që u rrëmbyen e më pas u qëlluan për vdekje ditën e shtunë në veri të Malit në Afrikë, u rikthyen në atdhe.
Ghilaine Dupont, 57 vjeç dhe Claude Verlon 58 vjeç të “Radio France International” u rrëmbyen dhe u ekzekutuan të shtunën pas një interviste me një lider lokal në qytetin e Kidalit.
Mes të pranishmëve që pritën trupat e pajetë të dy gazetarëve në aeroportin “Charles de Gaulle”, ishte edhe presidenti Francois Hollande.
Avioni me arkëmortet mbërriti në orët e para të mëngjesit në Paris ku vec presidentit Hollande të pranishëm ishin edhe familjarët dhe kolegët e dy viktimave.
Ndërkohë, presidenti i Malit, Ibrahim Boubacar Keita u zotua se do të bëjë gjithcka për të nxjerrë para drejtësisë autorët e vrasjeve. Ministri i Jashtëm francez, Laurent Fabius e përshkroi ekzekutimin e tyre si të “mirëorganizuar dhe të llogaritur”.
Top Channel
