03:35 Film "Denimi"
05:35 "Pasdite ne TCH" R
Programi i plote
PUBLICITET
Gjobat e policisë rrugore
30/11/2013

Nga data 1 dhjetor gjobat e automjeteve nuk do të paguhen më në sportelet e Inspektoriatit Rrugor, por vetëm në banka dhe përmes postës.

Ky urdhër i Drejtorisë së Përgjithshme të Policisë, nënshkruar nga drejtori i përgjithshëm Artan Didi, detyron pagimin e gjobave të automjeteve vetëm në këto dy mënyra, për të shmangur kontaktin e policëve të qarkullimit me pagesat me lekë në dorë nga drejtuesit e automjeteve, duke u prerë në këtë mënyrë mundësine për korrupsion.

“Për të gjitha arkëtimet me vlerë mbi 100 mijë lekë njësitë shpenzuese në vartësi të Policisë së Shtetit duhet të operojnë përmes sistemit bankar ose shërbimit postar. Në asnjë rast njësitë shpenzuese nuk do të bëjnë arkëtime në arkat e tyre”, thotë ndër të tjera urdhëri i drejtorit Didi.

Një tjetër urdhër drejtorit të përgjithshëm të policisë është ai për gjobat e papaguara nga drejtuesit e automjeteve. Përmes gjashtë pikave të këtij urdhëri, zoti Didi detyron pagimin e gjobave që iu ka kaluar afati ligjor nga drejtuesit e automjeteve që udhëtojnë jashtë vendit. Në rast të kundërt, asnjë prej tyre nuk do të lejohet të kalojë kufirin.

“Në pikat e kalimit kufitar të verifikohen të gjitha mjetet dhe drejtuesit e tyre që dalin nga Republika e Shqipërisë, për detyrime të pashlyera ndaj Policisë së Shtetit, gjoba të vendosura dhe për të cilat ka kaluar afati i parashikuar në Kodin Rrugor të Republikës së Shqipërisë”, thotë pika 1 e urdhërit të drejtorit Didi.

Verifikimi do të bëhet përmes sistemit E-gjoba. Pas verifikimeve të kryera sipas proçedurave standarte për daljen e shtetasve dhe automjeteve, drejtuesit e mjeteve të konstatuar debitorë do të paguajnë detyrimet e pashlyera ndaj Policisë së Shtetit për të vazhduar udhëtimin jashtë vendit, vijon më tej udhëzimi i drejtorit të përgjithshëm të policisë për të gjitha pikat e kalimit kufitar.

Vetëm pasi debitorët të kenë paraqitur faturat bankare përkatese për shlyerjen e detyrimeve të verifikuara nga sistemi E-gjoba, punonjësit e policisë kufitare dhe migracionit do të lejojnë kalimin e tyre jashtë vendit. Kjo masë nga drejtori i përgjithshëm i policisë merret për të rritur arkëtimet e gjobave të drejtuesve të automjeteve.

Për këtë shkak, burime të Top Channel bëjnë me dije se Ministria e Brendshme dhe ajo e Transporteve janë në fazën e nënshkrimit të një marrëveshjeje për ngritjen e një sistemi ku asnjë makinë që rezulton se ka gjoba të pashlyera të mos kryejë koaludimin. / Top Channel







Më shumë nga kronika
Ligji i ri për Policinë e Shtetit
Edhe në mbledhjen e radhës të Komisionit të Ligjeve, ku është diskutuar projekt/ligji për Policinë e Shtetit, deputeti socialist Tom Doshi, ka lëshuar kritika të forta ndaj uniformave blu dhe ministrit të Brendshëm Tahiri.
BSH, kallëzim penal për 2 punonjës
Banka e Shqipërisë bën të ditur se ka bërë kallëzim penal në prokurori për dy punonjës të saj, të cilët akuzohen për vjedhje.
4 burgime përjetë për Dritan Dajtin
Gjykata e Krimeve të Rënda shpalli fajtor dhe dënoi me katër burgime të përjetshme të pandehurin Dritan Dajti, për akuzën e vrasjes së katër oficerëve të policisë në vitin 2009: Kastriot Feskaj, Altin Dizdari, Sajmir Duçkollari dhe Fatos Xhani.
Kavajë, vritet një 27-vjeçar
Një 27-vjeçar ka mbetur i vrarë mbrëmjen e së martës në qytetin e Kavajës. Viktima është Andi Peqini, banues në këtë qytet.
“Ben Qimja”, apelon prokuroria
Pak ditë pasi e ka konsideruar të papreçedentë ndryshimin e masës së sigurisë për Arben Isufajn, i njohur si Ben Qimja, Prokuroria e Fierit apeloi vendimin e shkallës së parë Fier, duke këmbëngulur në kthimin e tij në qeli edhe për një muaj, derisa të realizohet ekstradimi i tij në Itali.


Lajmet kryesore

Gjobat e policisë rrugore
4 burgime përjetë për Dritan Dajtin
Merr fund odisea gjyqësore në Krimet e Rënda për vrasësin e 4 policëve
Rrëzohet dekreti i Nishanit për FA
Shoqata e Komunave kundër reformës
Gjykata Kushtetuese pezullon Mustafën
Edhe Athina ankohet për ndarjen e re
Ligji i ri për Policinë e Shtetit
Më të lexuarat
Temat e ditës
Lindja e Mesme, Reforma territoriale, Tragjedia ajrore, Ukraina, Turizmi, Drejtësia, Vrasje
Top Channel 2001-2014
Ndalohet riprodhimi i paautorizuar i permbajtjes se kesaj faqeje.