Kroaci, aksident rrugor, humb jetën shqiptari
24/12/2013 16:00
Prokuroria nis hetimet ndaj ish-presidentit malazez, shkak intervista e Gjukanoviç pas arrestimit të zyrtarëve 26/04 21:51
Një shtetas shqiptar mbeti i vrarë dhe dy të tjerë u plagosën, pasi automjeti me të cilin udhëtonin u përfshi në një aksident rrugor në Kroaci gjatë së martës, informoi të martën Agjensia Kroate e Lajmeve “Hina”.
Aksidenti ndodhi në orët e para të mëngjesit në autostradën “A1”, në segmentin Split-Sibenik.
Drejtuesi i mjetit, një 22-vjeçar mbeti i vrarë në vend, ndërsa dy udhëtarët e tjerë, gjithashtu shqiptarë të moshës 29 dhe 25 vjeç janë plagosur rëndë dhe po marrin trajtim në Spitalin Universitar të Sibenikut.
Aktualisht, autoritetet kroate nuk kanë dhënë për mediat identitetet e shqiptarëve, por vetëm konfirmuan shtetësinë e tyre.
Si rrjedhojë e aksidentit, trafiku në autostradë u devijua për disa orë.
Top Channel
