Sllovenia, lidere e ndërtimit në BE

Vlerësimi vjen nga Eurostat, që mes vendeve në fjalë që në këtë aks kohor kanë regjistruar rritje të forta në prodhimin e këtij sektori rendit Slloveninë me +9.5%, Poloninë me +4% dhe Hungarinë me 3%.

Nuk shkojnë mirë punët për vende të tjera që bëjnë pjesë në të ashtuquajturën “Europa e Re”, si Republika Çeke, që ka pësuar një rënie prej -5.5% dhe Rumania me -5%.

Në një vlerësim në bazë vjetore, nga nëntori 2012 në nëntorin 2013, sërish me rritje rezulton Sllovenia me +30%, e ndjekur nga Hungaria me 19%, ndërkohë që vendet që kanë pësuar një rënie të fortë po në bazë vjetore janë Bullgaria me -9% dhe sërish Republika Çeke me -8%.

Sipas të dhënave të Eurostat, në nëntor 2013 prodhimi në sektorin e ndërtimit ka zbritur me 0.5% në Eurozonë dhe me 1% në tërë BE-në, krahasuar me tetorin 2013. Ndërsa në bazë vjetore, rënia ka qenë mbi 1.5% në zonën euro dhe po aq në tërë BE-në.

Top Channel