Gates rikthehet i pari midis miliarderëve
03/03/2014 20:25
Studim/ Zbuloni sa fëmijë duhet të keni që të jeni të lumtur 24/04 08:20
Themeluesi i “Microsoft”, Bill Gates, rikthehet në vendin e parë të listës së njerëzve më të pasur të botës, të paktën në publikimin e përvitshëm të “Forbes” mbi miliarderët më të mëdhenj të botës.
Pasuria e Gates në vitin 2013 u llogarit në 76 miliardë dollarë (67 miliardë euro) ose sa 20-fishi i buxhetit vjetor të shtetit shqiptar.
Rritja e pasurisë së Gates gjatë vitit të lënë pas spostoi në vendin e dytë të renditjes manjatin meksikan të telekomunikacionit, Carlos Slim.
Në total, gjatë vitit të shkuar u llogaritën 1 645 miliarderë në të gjithë botën.
Ndërsa në 2012-n “mjaftonin” 23 miliardë dollarë për të qenë midis 20 njerëzve më të pasur të planetit, tashmë duhen 31 miliardë për t’u renditur në “top 20”.
Bill Gates kryeson listën e “Forbes” për njerëzit më të pasur të botës në 15 nga 20 vitet e fundit.
10 njerëzit më të pasur të botë
1. Bill Gates 76 mld $ Microsoft, softëare
2. Carlos Slim 72 mld $ Telekomunikacion
3. Amancio Ortega 64 mld $ Zara, modë
4. Warren Buffet 58,2 mld $ Investime
5. Larry Ellison 48 mld $ Oracle, softëare
6. Charles Koch 40 mld $ Industritë Koch
6. David Koch 40 mld $ Industritë Koch
8. Sheldon Adelson 38 mld $ Las Vegas Sands, kazino
9. Christy Walton 36,7 mld $ Wal-Mart, financë
10. Jim Walton 34,7 mld $ Wal-Mart, financë
Top Channel
