Bebi më i shëndoshë i Kolumbisë
20/03/2014 00:00
Studim/ Zbuloni sa fëmijë duhet të keni që të jeni të lumtur 24/04 08:20
Santiago Mendoza është një djalë 8-muajsh kolumbian i cili peshon sa një 6-vjeçar. Vogëlushi është bebi më i madh në Kolumbi, por ndoshta edhe në botë.
Një organizatë bamirësie ka vendosur që ta largojë nga shtëpia e tij dhe ta çojë në kryeqytetin Bogota ku ai do i nënshtrohet një trajtimi që do i shpëtojë jetën. Mamaja e djalit i shkroi organizatës Gorditos de Corazon (Zemrat e shëndosha) duke i bërë të ditur se injoranca e saj kishte çuar në shëndoshjen tej mase të djalit.
Ajo shkruante se sa herë që djali qante, i jepte ushqim për ta qetësuar.
Tashmë, mjekët do mundohen të ulin peshën e vogëlushit para se t’i bëjnë disa operacione të nevojshme pasi Santiago ka pasur probleme shëndetësore të mëdha për shkak të peshës së tij.
“Do të jetë një trajtim i gjatë që do të përfshijë edukimin, ushqimin e shëndetshëm dhe kur të rritet, aktivitetin fizik. Nëse nuk bëhen këto, djali do të vuajë nga diabeti dhe tensioni”, tha kirurgu Cesar Ernesto Guevar për ‘El Espectador’.
Top Channel
