Një rrufe në qiell të pastër ka rënë mbi regjisorin e filmave “X Men” dhe “Superman Returns”, Bryan Singer, i cili është akuzuar për pedofili.
Akuza është ngritur nga një djalë i ri, sot 30 vjeç, i cili pretendon se Singer ka abuzuar me të nga fundi i viteve ’90, kur ishte 15 vjeç.
Sipas paditësit, abuzimet janë kryer në një lokalitet kalifornian, ku djem e vajza minorenë në kërkim të famës dëndeshin me drogë e alkool.
30-vjeçari deklaron gjithashtu se është mashtruar nga Singer me një premtim për një rol në filmat e tij dhe ka pasur me të shumë takime seksuale.
Ndërkohë, zyra e shtypit e regjisorit ka reaguar përmes një deklarate për shtyp ku thuhet: “Akuzat ndaj Bryan Singer janë të pabaza. Jemi të sigurt se ai do të dalë i pafajshëm nga to”.
Top Channel