Politikani rus sulmon verbalisht gazetaren shtatzënë
21/04/2014 00:00
Historia e pabesueshme e 93-vjeçarit që ka moshën biologjike të një 30-vjeçari! Richard Morgan tregon sekretin e tij 19/04 09:08
Nënkryetari i parlamentit rus ka sulmuar verbalisht një gazetare shtatzënë pasi ajo i bëri një pyetje mbi mundesinë që Rusia të vendosë sanksione kundër Ukrainës gjatë një konference shtypi.
Vladimir Zhirinovsky i kërkoi dy ndihmësve të tij ta “përdhunonin egërsisht” gazetaren Stella Dubovitskaya në një shpërthim zemërimi të habitshëm.
Pas pyetjes së Dubovitskajas, themeluesi i Partisë Liberal Demokratike nisi të bërtasë dhe iu drejtua dy ndihmësve të tij të rinj me këto fjalë: “Kur t’ju them unë, shkoni dhe përdhunojeni egërsisht atë.” Më pas, i kapi krahun njërit prej tyre dhe duke e shtyrë drejt gazetares i tha: “Kape, puthe!”
Kur kolegët e saj gazetarë u futën në mes për ta mbrojtur, politikani tha: “Ky nuk është vend për gratë shtatzëna. Kemi nevojë për njerëz të shëndetshëm. Gratë shtatzëna nuk duhet të paraqiten në punë. Rri në shtëpi dhe kujdesu për fëmijën, dakord?”
Agjensia Russian Today për të cilën punon gazetarja doli me këtë komunikatë pas incidentit që ndodhi ditën e premte: “Duke marrë shkas nga incidenti i shpifur që i ndodhi korrespondentes sonë, ne do të padisim zotin Zhirinovsky.”
Top Channel
