Aktorja hollivudiane që ka falimentuar
23/04/2014 00:00
U rrëzua dhe përplasi kokën, ndahet nga jeta pas disa ditësh në spital anëtari i grupit të njohur muzikor 18/04 17:53
Aktorja Teri Polo ka falimentuar. 44-vjeçarja e cila u bë e famshme për interpretimin e të dashurës së Ben Stillerit në filmin komedi ‘Meet The Parents’ në vitin 2000, ka rreth 1 milion dollarë borxhe në taksa të papaguara dhe ka deklaruar falimentin.
Sipas TMZ, Teri ka firmosur falimentimin e saj javën e kaluar.
Teri u bë shumë e famshme në komedinë ku luante rolin e Pam Byrnes, të fejuarës së personazhit të Ben Stillerit, e cila e prezanton atë me nënën e saj dhe babain ish-agjent të CIA-s, i interpretuar nga Robert De Niro.
Filmi ka pasur një sukses të jashtëzakonshëm dhe grumbulloi 330 milionë dollarë në box-office, ndërsa dy filmat e tjerë pasardhës, ‘Meet The Fockers’ dhe ‘Little Fockers’ grumbulluan respektivisht 517 dhe 310 milionë dollarë.
Por, karriera e Terit në Hollivud u duk sikur ngeci dhe shumë persona mendojnë se për këtë e pati fajin vendimi i saj për të pozuar nudo për revistën ‘Playboy’ në vitin 2005.
Top Channel
