Kenia, autobombë pranë një stacioni policie
24/04/2014 00:00
Aktpadi ndaj 11 republikanëve që deklaruan në mënyrë të rreme se Trump i fitoi zgjedhjet në Arizona në vitin 2020 25/04 12:48
Një makinë bombë ka shpërthyer pranë një stacioni policie në kryeqytetin e Kenias, Nairobi, duke vrarë 4 persona. Ministria e Brendshme ka bërë të ditur lajmin dhe ka konfirmuar se 2 nga viktimat janë policë.
Pavarësisht se militantët e al-Shabab asnjëherë nuk i kanë marrë përsipër sulmet në Kenia, autoritetet vendase gjithmonë kanë akuzuar këtë grup terrorist si përgjegjës të sulmeve.
Policia ka gjetur edhe një granat të pa shpërthyer në vendngjarje, e cila është çaktivizuar më pas.
Që pas sulmit të shtatorit të kaluar në qendrën tregtare ‘Westgate’ në Nairobi, ku mbetën të vdekur 67 persona, terroristët kanë rritur ndjeshëm veprimin e tyre në këtë vend.
Në vitin 2011 Kenia dërgoi trupa ushtarake në Somali për të luftuar grupin terrorist al-Shabab, i cili është i lidhur me al-Qaeda-n, të cilët më pas janë zotuar se do të hakmerren.
Top Channel
