Kapele me flokët e paraardhësve të vdekur
24/04/2014 00:00
Fotot/ Fustanet virale në rrjetet sociale, Katy Perry dhe Rihanna pre e mashtrimit: Nuk ishim prezente në Met Gala, fotot janë krijuar nga AI 07/05 18:09
Minoriteti Miao në Kinë ruan një traditë shumë të vjetër që konsiston në vënien në kokë të një kapeleje të madhe të bërë me flokët e paraardhësve të vdekur.
Këto kapele të çuditshme vihen në kokë nga femrat e minoritetit prej 5 mijë personash vetëm në raste të veçanta.
Cdo parukë kalohet nga nëna tek bija dhe ajo përmban flokë qindravjeçarë. Flokët lyhen dhe mirëmbahen me kujdes në mënyrë që të qëndrojnë të shndritshëm dhe të shëndetshëm.
Shu Tu, një eksperte kineze në kulturën e minoriteteve, thotë: “Këto kapele vihen nëpër dasma dhe festa të mëdha. Më parë viheshin edhe nga meshkujt, por me kalimin e kohës u la si traditë nga ana e tyre. Vetëm femrat e vazhduan. Në parukë ka flokë nga nëna, gjyshja e madje edhe stërgjyshja.”
“Për disa persona, historia është në libra, ndërsa për komunitetin Miao, historia është në kokën e tyre”, shton ekspertja.
Top Channel
