Durrës, ujësjellësi padit 100 debitorë
24/04/2014 00:00
Fiks Fare/ Varrezat e Durrësit “Tokë e xanun”! Vazhdon zënia e vendeve bosh, një i vdekur me 3-4 varre
16/04 20:49
Këtë vit, 100 kallëzime penale ndaj debitorëve janë depozituar pranë
Prokurorisë së Durrësit nga shoqëria e Ujësjellës Kanalizimeve, e cila
po vazhdon prerjen e lidhjeve të paligjshme në rrjetin e ujësjellësit
përgjatë superstradës Durrës-Tiranë dhe ndërprerjen e furnizimit me ujë
të pijshëm për debitorët e qytetit bregdetar.
Inspektorët e Ujësjellësit kanë prerë të enjten afro 30 lidhje të paligjshme, shumica e të cilave i përkasin subjekteve të ndryshme private, si lavazhe, pika servisi, karburante etj.
Debia e faturave të papaguara për UKD në total është 1.7 miliard lekë, ndërsa debitorët janë abonentët familjarë, subjektet private dhe entet shtetërore. Ndërkohë zyra juridike pranë UKD-së vijon punën për hartimin e kallëzimeve penale ndaj abonentëve debitorë. Gjatë 2 viteve të fundit numërohen rreth 500 kallëzime penale ndaj familjarëve dhe subjekteve private, 100 prej të cilave janë bërë vetëm gjatë këtij viti.
Top Channel
