Gruaja me “farmaci” në shtëpi

Kristrina Musha është një zonjë tek të pesëdhjetat, biznesmene, por që gjithmonë kujdeset që të ketë rezerva ilaçesh për patologji të ndryshme. Dhe këtë gjë e bën prej vitesh.

“Është kryesore të kemi të gjitha medikamentet në shtëpi, të ndihmojmë veten sadopak derisa të marrim mjekun në telefon”, shpjegon Kristina.

Rezervat e saj farmaceutike janë të krahasueshme me një klinikë emergjencash. Aty gjen gjithçka, që nga preparatet paramedikale e deri tek antibiotikët. Kjo gjë i jep Kristinës siguri për shëndetin e saj dhe jo vetëm për veten: “Ndihmoj edhe shoqet kur më pyesin. Kam edhe shumë mikesha farmaciste që i pyes herë pas here.”

Është kaq e kujdesur për aspektin shëndetësor të sajin dhe njerëzve që e rrethojnë, për faktin se ajo vetë ka një sërë diagnozash të përcaktuara: “Marr ilaçe për tensionin, për gjirin dhe për yndyrnat.”

Kjo e ka bërë Kristinën të mësojë më shumë për shëndetin e të kujdeset për të në mënyrë amatoreske.

Top Channel