Ju pëlqen? Kini kujdes!
05/06/2014 00:00
Historia e pabesueshme e 93-vjeçarit që ka moshën biologjike të një 30-vjeçari! Richard Morgan tregon sekretin e tij 19/04 09:08
Në pamje të parë ajo mund të duket si një nga shumë vajzat e reja që përdorin rrjetet sociale për të treguar pasurinë dhe bukurinë, por nuk është kështu.
Në shtetin e Sinaloas, në bregun perëndimor të Meksikës, Claudia Ochoa Felix konsiderohet si një nga gratë më të fuqishme e më të rrezikshme të një rajoni të gjunjëzuar nga dhuna kriminale e lidhur me trafikun e drogës.
Në moshë 27-vjeçare, Claudia, mbi të cilën për momentin nuk rëndon asnjë akuzë gjyqësore, konsiderohet nga mediat lokale si “Perandorja e Antraksëve”, një grup i pamëshirshëm vrasësish me pagesë.
Grupi në fjalë është në shërbim të Ismael Zambada, bos i kartelit të Sinaloas, ndër organizatat kriminale kryesore të trafikut të drogës në Meksikë, në luftë me kartelin Los Zetas, për kontrollin e rrugëve të trafikut drejt Shteteve të Bashkuara.
Ajo që ka bërë të famshme vajzën e re është mënyra se si përdor rrjetet sociale. Në profilet e saj në Facebook dhe Twitter ajo ka publikuar dhjetëra foto me bikini dhe me veshje firme.
Nuk mungojnë as pamjet kur ajo shfaqet me armë automatike në dorë apo me automjete luksoze. Por specialisteti i saj duket se janë fotot provokuese, në të cilat vajza shfaqet teksa lëshon puthje drejt objektivit të aparatit.
Top Channel
