Beogradi, thirrje serbëve që të votojnë

Në një njoftim të qeverisë thuhet se marrja e sa më shumë vendeve në kuvend është luftë për mbijetesën e serbëve, por edhe masë e përbashkët për vështirësimin e promovimit të politikës së pavarësisë së Kosovës.
 
Qeveria serbë nuk është marrë shumë me zgjedhjet e Kosovës, përvec që ka krijuar një listë të përbashkët.

Analisti Dushan Janjic, thotë se serbët megjithatë do të jenë pjesë e institucioneve. Në veri, bojkoti mund të sjellë kërkesa për ndarje.

“Në veri ekzistojnë grupe që duan ndalimin e marrëveshjeve të Brukselit. Ata duan të bojkotojnë zgjedhjet dhe nuk duan kompromis për statutin e bashkësisë së komunave serbe, por duan vetëm bashkimin e komunave në veri, që do të ishte fillimi i mundësisë se referendumit për bashkimin me Serbinë”, thotë Dushan Janjic.

Drejtori i Forumit për Marrëdhënie Ndëretnike, Nenad Gjurgjevic, thotë se Serbia e di që në parlamentin e Kosovës nuk mund të ketë shumë deputet. Publikisht fton për pjesëmarrje, por jo edhe privatisht.
 
“Qeveria e ka kuptuar që sado të jetë pjesëmarrja e serbëve në zgjedhje, 10 deputet serbë do të jenë në kuvend. Në veri do të ketë bojkot dhe kjo do të ndikoj në bisedimet e ardhshme. Qeveria do të arsyetoj mospjesëmarrjen që qytetarët nuk duan integrim sepse në të kundërtën qeveria do të angazhohej për fushatë”, shprehet Nenad Gjurgjevic.

Top Channel