Ndihma për Serbinë e Bosnjen

“Në kuadër të Këshillit të BE-së për Çështjet e Jashtme, qeveria e Francës së bashku me qeverinë e Sllovenisë dhe Komisioni Europian kanë njoftuar se do të bashkë-organizojnë një konferencë donatorësh në 16 korrik për të gjeneruar fonde shtesë. Ne kemi ftuar shumë vende nga komuniteti i donatorëve dhe institucioneve financiare ndërkombëtare. Para kësaj konference të rëndësishme, ne do të paraqesim një të ashtuquajtur ‘raport i vlerësimit’, mbi të cilin po punohet për të dy vendet, Bosnjë-Hercegovinën dhe Serbinë, së bashku me Kombet e Bashkuara, Bankën Botërore dhe autoritetet e interesuara. Unë kam shumë besim se në bazë të këtyre raporteve të vlerësimit, komuniteti i donatorëve do të jetë në gjendje të gjenerojnë fonde shtesë më tej dhe unë do të doja të siguroja qytetarët e vendeve më të prekura; Bosnjë-Hercegovinës dhe Serbisë, se çfarëdo buxheti që do kërkohet dhe çfarëdo instrumenti që do të përdoret, do të shfrytëzohet për të siguruar, njëkohësisht, në periudhë afatshkurtër dhe afatgjatë, që pasojat e këtyre përmbytjeve do të trajtohen me ndihmën e BE-së”, tha Komisioneri Stefan Fyle.

Përgatiti Arta Tozaj

Top Channel