Maqedoni, rrëzohet helikopteri, 4 të vdekur
11/07/2014 00:00
Një helikopter i policisë së Maqedonisë është rrëzuar në orët e vona të ditës së enjte në Strumicë. Mësohet se 4 personat që ndodheshin në bord kanë mbetur të vdekur.
Helikopteri, i cili po transportonte pjesëtarë të policisë kufitare, është përplasur me një antenë të Radios Maqedonase, me një gjatësi mbi 100 metra.
Në vendngjarje kanë mbërritur forcat e policisë, si edhe ambulanca. Gjithashtu mësohet se kanë mbërritur edhe zyrtarë të lartë maqedonas, por edhe kreu i komunës së Strumicës, Zoran Zaev, i cili njëherësh është edhe lider i partisë më të madhe opozitare LSDM në Maqedoni.
Top Channel