Manikyr-pedikyr për pushime

Mund të nisni me kujdesin për këmbët! Pedikyri është domosdoshmëri jo vetëm për të patur një pamje perfekte, por edhe sandalet do të duken më bukur.

“Në sezonin e verës femrat janë shumë kërkuese në kolor, në formën e thonjëve. Ngjyrat që kërkohen janë ngjyrat e ndezura”, thonë estetistet.

Ngjyra të ndezura, ngjyra të ëmbla, rozë, bojëqielli, vjollcë, portokalli, e gjelbër, e verdhë për t’u aplikuar në këmbë, por edhe në duar.

Madje këtë verë nuk viheni përballë vështirësisë së zgjedhjes, mund të keni disa prej tyre…Mund të realizoni versionin shumëngjyrësh, pa e tepruar dhe gjithmonë në thonjtë e shkurtër.

Figurat gjeometrike, vija, pika, lule, animalier, zebër apo leopard nga ngjyrat klasike deri tek më të pazakontat dhe risia “french manikyr” i përmbysur.

Për të nxjerrë në pah bukurinë e duarve është e rëndësishme  forma  që u jepet thonjve . Frymëzur nga vitet ’50 rikthehet thoi lehtësisht ovale. Forma vecanërisht e harkuar bën që gishtat të duken më të hollë dhe femërorë.

Estetistët thonë se klientët kërkojnë shtimin e thonjëve, por ato vetë sugjerojnë që thonjtë të jenë sa më komod në periudhën e verës sepse na ndihmojnë në pjesën e higjienës, në lojërat në plazh.

Edhe këtë verë janë të shumta firmat që propozojnë të kuqen nga tonaliteti i luleshtydhes ne ngjyrën rozë të theksua. Simboli i sensualitetit dhe feminilitetit nuk del asnjëherë nga moda.

Top Channel