Ambasadat e SHBA vonojnë dokumentet
25/07/2014 00:00
Drejtonte kartelet që kërcënuan princeshën e Holandës, Spanja liron “aksidentalisht” bosin e drogës 23/04 22:54
Departamenti Amerikan i Shtetit njoftoi se një defekt kompjuterik do të vonojë pasaportat dhe vizat që jepen nga ambasadat amerikane në mbarë botën.
Zëri i Amerikës citon zyrtarë në Uashington të pohojnë se defekti që u zbulua të shtunën mund të lerë në pritje miliona njerëz që duan të marrin dokumente udhëtimi për në Shtetet e Bashkuara.
Zëdhënësja e Departmentit të Shtetit, Marie Harf tha se problemi ka prekur të gjitha vendet e botës dhe jo ndonjë vend të veçantë, dokumente apo kategori specifike vizash.
Sipas saj, problemi i krijuar do të pezullojë dhënien e pasaportave amerikane, vizave dhe raporteve për amerikanët e lindur jashtë vendit.
Departmenti i Shtetit po punon për ta korrigjuar këtë ngërç, por nuk ka dhënë ndonjë afat të caktuar se kur mund të zgjidhet problemi.
Top Channel
