Avioni, ekspertë rusë në hetimet ndërkombëtare
31/07/2014 00:00
Sulmet e Izraelit, ministri i Jashtëm Iranian: Një dështim i plotë, nuk shkaktuan asnjë dëm për ne 19/04 22:55
Ekspertët rusë synojnë të vizitojnë vendin e rrëzimit të avionit malajzian në Lindje të Ukrainë, gjatë së enjtes, për të ekzaminuar mbetjet, së bashku me hetuesit ndërkombëtarë, raporton agjencia ruse e lajmeve Interfax, duke cituar Autoritetin rus të Aviacionit Civil.
“Ekspertët rusë kanë ndërmend të takohen me kreun e komisionit hetimor si dhe të dorëzojnë të gjitha materialet, që lideri i komisionit kishte kërkuar më parë”, citohet një deklaratë e Agjencisë Federale të Transportit Ajror, nga Interfax.
“Sot (e enjte), përfaqësuesit rusë do të përpiqen të hyjnë në zonën e rrëzimit të ‘Boeing 777’ dhe, së bashku me specialistët e komisionit hetimor ndërkombëtar, të ekzaminojnë gjendjen e mbetjeve të avionit në vendngjarje”, thuhet më tej.
Ekspertët rusë të aviacionit kanë mbërritur në kryeqytetin ukrainas, Kiev, përpara se të vizitojnë vendin e rrëzimit të fluturimit MH17, në territorin e zotëruar prej rebelëve.
Qeveria e Ukrainës ka deklaruar një pushim 1-ditor të operacioneve ushtarake të saj kundër rebelëve pro-rusë, për t’u lejuar hetuesve të mbërrijnë në vendngjarje.
Avioni i “Malaysia Airlines” dyshohet të jetë qëlluar nga rebelët me një sistem raketa-hedhës të furnizuar nga Rusia, duke shkaktuar 298 viktima.
Top Channel
