Holanda prezanton stafin e ri teknik
01/08/2014 00:00
Ruud van Nistelrooy dhe Danny Blind do të jenë ndihmësit e trajnerit Guus Hiddink në kombëtaren holandeze sipas Federatës së Futbollit të Holandës (KNVB).
Hiddink u emëruar trajneri i ri i “Portokallinjve” pas përfundimit të Botërorit “Brazil 2014”, ku Holanda e drejtuar nga Louis van Gaal zuri vendin e tretë.
“Shkolla holandeze e futbollit është shumë e mirë, por duhet më shumë për t’i mbijetuar konkurrencës”, tha Hiddink në prezantimin e tij.
KNVB-ja bëri të ditur se Hiddink do të jetë në krye të kombëtares deri në përfundim të EURO 2016 e më pas vendin e tij do e zërë Danny Blind.
Top Channel