OBSH: Ebola është nënvlerësuar
15/08/2014 00:00
Fletë arresti për Netanyahun, reagon ashpër Biden: Skandaloze! 20/05 22:40
Organizata Botërore e Shëndetësisë tha se shpërthimi i Ebola-s është nënvlerësuar dhe se rastet e raportuara të vdekjeve nuk pasqyrojnë shkallën reale të krizës në shtetet e shpërthimit të virusit.
Në një deklaratë nga agjencia e shëndetësisë së OKB-së thuhej se masat e jashtëzakonshme të marra deri tani janë mëse të nevojshme.
Ebola shpërtheu në muajin shkurt në Guine dhe më pas u përhap me shpejtësi në Liberi, Sierra Leone dhe Nigeri. Megjithatë, OBSH tha se rreziku i transmetimit të Ebola-s gjatë udhëtimeve ajrore mbetet i ulët, pasi sëmundja nuk përhapet në ajër. Një kopani ajrore në Kenia ka refuzuar të pezullojë fluturimet e saj mbi shtetet të cilat janë të prekura nga virusi në Afrikën Perëndimore.
Përhapja me shpejtësi e virusit është ndihmuar edhe nga varfëria e skajshme, sistemet shëndetësore jofunksionale dhe mungesa e mjekëve.
Top Channel
