Monitorimi i trafikut nga ajri

Helikopterë të kësaj force monitorojnë të gjitha segmentet rrugore të rëndësishme të vendit për të informuar më pas forcat e qarkullimit rrugor. I gjithë qëllimi i këtij operacioni është fakti për të patur rrugë më të lira, sidomos në sezonin turistik.

Më shumë se 1 milionë automjete kanë hyrë dhe kanë dalë nga Shqipëria në harkun kohor të 70 ditëve të fundit, duke shtuar qarkullimin e automjeteve në vend. Forma që po ndjek Policia e Shtetit për t’i ardhur në ndihmë forcave të qarkullimit rrugor, disiplinon ndjeshëm trafikun.

Me anë të informacioneve të ardhura nga ajri shpërndahen edhe vetë forcat e qarkullimit rrugor për të bërë të mundur dhe patrullimin sa me eficent në rrugët kryesore të vendit. Duke qenë se marrin informacionin e duhur që në orët e para të mëngjesit, ata mund të mbulojnë zonat që janë pikasur nga vrojtuesit në helikopter për të zhbllokuar ndonjë trafik të ngarkuar në segmente të caktuara.   

Patrullimi nga ajri i trafikur rrugor, i cili hyn tek zbatimi i planit të masave të hartuara nga Drejtoria e Përgjithshme e Policise së Shtetit është një nga mënyrat për të ulur ndjeshëm aksidentet rrugore.

Duke patur parasysh se cdo ditë vere qarkullojnë mesatarisht 20 mijë automjete më shumë në rrugët e vendit, marrja e informacionit se ku rëndohet trafiku është një ndihmë e madhe që u jepet drejtuesve të automjeteve.

Top Channel