FBI heton nëse sulmi ishte një “phishing”

Ndoshta, ajo mund të ketë rënë viktimë e një prej marifeteve më të vjetra të vjedhjeve online.

Burime nga zbatuesit e ligjit kanë bërë të ditur për TMZ se hetuesit e Byrosë Federale të Hetimit po hetojnë nëse Kate dhe të paktën 2 figura të tjera të artit si Mary Elizabeth Winstead, Jennifer Lawrence dhe Lea Michele, kanë qenë objektivat e parë të “phishing”-ut nga hackerat.

Nëse nuk e dini se për çfarë bëhet fjalë, ja si funksionon “phishing”-u: ju merrni një email, i cili ju njofton për pasjen e një problemi me llogarinë tuaj dhe, në mënyrë që të ndreqet ai, ju duhet të dërgoni informacione personale si pseudonimi, numri i telefonit, karta e kreditit apo ndoshta edhe fjalëkalimi.

Në këtë mënyrë, pa dashur, ju i ofroni hackerave gjithçka kanë nevojë për të marrë në duar të dhënat tuaja.

Në lidhje me rastin e fundit, TMZ ka mësuar se emaili i dërguar figurave VIP mund të jetë manipuluar sikur ishte dërguar nga Apple. “Phishing” është një prej marifeteve më të vjetra, që daton që në ditët e para të internetit, por hajdutët janë tashmë shumë më të sofistikuar, pasi emailet e tyre duken thuajse identikë me ato të kompanive reale.

Fotot e J-Law dhe Kate, disa prej të cilave me të dashurin e kësaj të fundit Justin Verlander, ishin mes të parave të publikuara të dielën nga hackerat.

Top Channel