Greqia mirepret emerimin e Avramopoulos

Kryeministri Samaras deklaroi se, ky emerim eshte teper nderues per Greqine dhe tregues i rendesishem i besimit te zotit Juncker ndaj Athines.

”Emerimi i zotit Avramopoulos ne nje post krejtesisht i ri, qe u krijua nga e para me qellim qe te nenvizohet nevoja per t’i dhene prioritet politikave europiane te emigracionit, perben njohjen e thirrjeve te qeverise greke”, deklaroi Samaras.

Ne skemen e re organizative te Komisionit Europian, ne pergjegjesite e Avramopulos perfshihen politikat per emigracionin, sistemi europian i dhenies se azilit, funksionimi i marreveshjes Shengen dhe politika europiane e vizave, qe kane nje interes te drejtperdrejte sidomos per vendet e Ballkanit.

Por Avramopoulos do te kete gjithashtu kontroll te plote edhe ne funksionimin e forces per kufijte, FRONTEX, sektoret e menaxhimit te krizave dhe te luftes kunder terrorizmit, sigurine e brendshme, luften kunder krimit te organizuar dhe trafikimit njerezor, bashkepunimin policor europian, politikat kunder droges, etj.

Ne dosjet e portofolit te tij perfshihen gjithashtu mbrojtja e te dhenave personale ne internet, lufta kunder racizmit dhe ksenofobise, mbrojtja e minoriteteve, te drejtat e femijeve dhe lufta kunder homofobise, sektore qe i japin nje peshe te jashtezakonshme ketij komisioneri ne nje mjedis te ri gjeopolitik qe eshte vazhdimisht ne ndryshim.

Emerimi i Avramopoulos eshte pritur me komente pozitive edhe nga shtypi grek, pasi opinioni publik vendas ka interes te madh persa i perket ceshtjes se emigracionit te paligjshem dhe ruajtjes se kufijve lindore te Greqise nga vala e emigranteve prej vendeve ne konflikt, si Siria dhe Iraku.

Nderkohe, me kenaqesi eshte pritur edhe emerimi ne postin e zedhenesit te Komisionit Europian te Margaritis Skinas, nje emer tjeter i njohur jo vetem ne rrethin e ngushte te kryeministrit Samaras, por edhe ne qarqet e Brukselit per shkak te posteve ne Komisionin Europian apo ne Parlamentin Europian.

Top Channel