Marrëveshja për rindërtimin e Gazës
17/09/2014 00:00
“Situata do jetë krejtësisht ndryshe”, presidenti i Iranit kërcënon Izraelin: Nëse na sulmon sërish, nuk do mbetet asgjë nga regjimi sionist 23/04 18:15
OKB ka ndërmjetësuar një marrëveshje për rindërtimin e Rripit të Gazës, duke i dhënë rol të rëndësishëm Autoritetit Palestinez dhe sektorit privat, ka thënë i dërguari i OKB-së në Lindjen e Mesme.
Robert Serri tha se marrëveshja, e rënë dakord mes izraelitëve dhe palestinezëve, parashikon fillimin e menjëhershëm të punimeve.
Shumë ndërtesa janë shkatërruar nga konflikti i kësaj vere. Në mes 8 korrikut dhe 27 gushtit më shumë se 2100 palestinezë mbetën të vrarë në Gaza. Gjatë kësaj kohe u vranë edhe 73 izraelitë, 66 prej të cilëve ushtarë.
I dërguari i OKB-së në Lindjen e Mesme zhvilloi një vizitë gjatë javës së kaluar në Gaza dhe u shpreh i tronditur me shkatërrimin e infrastrukturës, spitaleve dhe të shkollave. Ai tha se lagjet janë rrafshuar dhe rreth 18 mijë shtëpi janë të pabanueshme. Më shumë se 65 mijë palestinezë janë shpërngulur nga banesat e tyre dhe janë strehuar në kampet e ngritura nga OKB-ja.
Megjithëse armëpushimi i ndërmjetësuar nga Egjipti është arritur që prej 16 gushtit, Robert Serri e ka cilësuar sërish tepër të brishtë atë.
Top Channel
