Papa përshëndet shqiptarët para vizitës
17/09/2014 00:00
E pazakontë në Pogradec! Përfitoi nga amnistia dje, sapo doli nga burgu bën vjedhjen e radhës 25/04 18:02
Ati i Shenjtë, në meshën e mbajtur këtë të mërkurë në Vatikan është
shprehur se ka zgjedhur të vizitojë Shqipërinë, për shkak se vendi ynë
ka vuajtur nga regjimi komunist.
Po ashtu Papa Francesk tha se e zhvillon këtë vizitë edhe sepse komunitetet fetare këtu bashkëjetojnë në paqe.
“Përshëndes popullin shqiptar dhe i falenderoj ata për përgatitjet për vizitën time. U kërkoj të gjithëve që të më shoqërojnë me lutje”, tha Papa.
Të dielën, Ati i Shenjtë mbërrin në Shqipëri, duke shënuar kështu një moment historik për vendin tonë. Përgatitjet për mbërritjen e tij kanë nisur në fakt që në momentin e konfirmimit të vizitës që Ati i Shenjtë do të realizojë në Shqipëri.
Papa Francesk është i dyti Papë që mbërrin në Shqipëri. Para tij, tokën tonë e ka shkelur edhe Papa Gjon Pali i Dytë.
Top Channel
