Itali, vritet me armë zjarri një shqiptar
19/09/2014 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Dy persona u vranë me armë zjarri gjatë orëve të mbrëmjes në periferi të Milanos në Itali. Sipas mediave italiane njëri prej viktimave është shtetas shqiptar, 41 vjeç, identiteti i të cilit nuk është bërë i ditur, ndërsa tjetri është një afrikan.
Në momentet e para autori ka mundur të largohet nga vendngjarja, por më pas policia ka bërë të mundur ndalimin e tij dhe dyshohet të jetë shtetas shqiptar.
Autoritetet italiane kanë bërë të ditur se personat e përfshirë në këtë ngjarje e njihnin njëri-tjetrin dhe të shtënat ndodhën pas një debati mes tyre.
Jo shumë larg vendit të ngjarjes është gjetur i plagosur edhe një person tjetër, i cili ndodhet jashtë rrezikut për jetën.
Sipas hetuesve ngjarja dyshohet të ketë ndodhur për larje hesapesh, ndërsa po hetohet për mundësinë e përfshirjes së personave të tjerë në këtë ngjarje dhe për zbardhjen e plotë saj.
Top Channel
