ISIS liron turqit
20/09/2014 00:00
Sulmet e Izraelit, ministri i Jashtëm Iranian: Një dështim i plotë, nuk shkaktuan asnjë dëm për ne 19/04 22:55
49 shtetas turq të rrëmbyer nga ISIS në muajin qershor, kur morën në kontroll qytetin e Mosulit së bashku me konsullatën turke në këtë qytet u liruan dhe u rikthyen në Turqi.
Kryeministri turk, Ahmet Davutoglu tha se 49 shtetasit turq u morën në dorëzim nga shërbimet sekrete në qytetin jugor Sanliurfa.
Detajet që çuan në lirimin e pengjeve janë të paqarta, por Presidenti turk, Recep Taip Erdogan tha se operacioni për lirimin e tyre ka qenë sekret dhe i mirëstudiuar.
Turqia ka refuzuar përfshirjen direkte në betejën e ndërkombëtarëve kundër ISIS, që për analistët lexohet si frikë për sigurinë e shtetasve të saj në Irak dhe Siri.
Pengjet ishin të gjithë punonjës të konsullatës turke në Mosul, 46 prej të cilëve turq dhe 3 irakianë. Kryeministri Davutoglu tha se të gjithë pengjet janë liruar shëndoshë e mirë mëngjesin e së shtunës.
Të premten Turqia hapi një pikëkalimi kufitar në jug-lindje të vendit për të lejuar qindra-mijëra kurdë të Sirisë t’i shpëtonin avancimit të ISIS në rajonet e tyre.
Top Channel
