PD përshëndet nisjen e hetimeve
23/09/2014 00:00
Beleri kandidat në Greqi për eurodeputet, Babaramo: Figura e ekstremit të djathtë grek, një njeri me 4 klasë shkollë që e flet greqishten copë-copë 18/04 22:46
Partia Demokratike përshëndeti nisjen e hetimeve nga ana e prokurorisë për dhunën e ushtruar ndaj deputetit Strazimiri.
Por sipas opozitës, hetimi duhet të shkojë deri në fund dhe të nxjerrë përgjegjësin, frymëzuesin dhe urdhëruesin e dhunës, që për të është kryeministri Edi Rama.
“Mosnisja dhe vonesa e mëtejshme e proçedimit do të ishin një hap i gabuar për funksionimin e institucioneve. Dhuna fizike ndaj deputetit të PD ishte goditje për kolonat e demokracisë dhe një përpjekje e pashembullt për t’i mbyllur gojën opozitës.
Serioziteti i hetimit do të dëshmohet nga zbardhja e skenarit të mirëorganizuar, siç e kanë parë shqiptarët në media. Kjo do të thotë që hetimi të nxjerrë përgjegjësin kryesor, frymëzuesin dhe nxitësin e dhunës, që është kryeministri Edi Rama.
Ne mbështesim prokurorinë që të nxjerrë përgjegjësin, që fshihet prapa marionetave të tij kriminale”, deklaroi deputeti Eduart Halimi.
Top Channel
