Akuzat për deputetin Astrit Veliaj

Por kësaj radhe ai do të dalë para Gjykatës së Lartë për ndërtimin e paligjshëm në Fier, qytet ku Veliaj akuzohet se ka i zaptuar 11 mijë metra katrorë tokë një banoreje, por edhe sepse ka shkatërruar pronën shtetërore duke qenë se një pjesë e objektit që ka ndërtuar ka dëmtuar një godinë që ishte pronë e Ministrisë së Brendshme.

Sipas prokurorisë, në këtë hapësirë të zënë prej tij është ndërtuar një godinë e madhe, e gjitha pa asnjë leje nga pushteti vendor.

Por një histori të ngjashme ka edhe ndërtimi në qytetin e Beratit, ku ish-ndërtesa e maternitetit është marrë prej kompanisë “UFO Shpk”, me synimin për ta kthyer në universitet.

Pas një përplasjeje të vazhdueshme me Bashkinë e qytetit të Beratit dhe me policinë bashkiake atje, ndërtimi është bërë pa leje nga ana e “UFO Shpk” dhe çështja mbërriti në gjykatë, e cila në vitin 2011 e gjobiti me 1 milion lekë ndërtuesin, por nuk dha vendim për fatin e godinës, e cila përfundoi më pas dhe aktualisht funksionon si universitet.

“UFO Shpk”, pa asnjë leje nga Bashkia e Fierit, ndërtoi edhe në këtë qytet. Për të dyja akuzat, prokuroria thotë se ka prova për ta marrë si të pandehur deputetin Astrit Veliaj.

Organi i akuzes shton se shpërdorimi i tokës në kundërshtim me destinacionin e saj përbën kundravajtje penale dhe dënohet me gjobë ose me burgim deri në gjashtë muaj.

Shkatërrimi apo dëmtimi me dashje i pronës, kur pasojat materiale nuk janë të lehta, dënohet me gjobë ose me burgim deri në tre vjet.

Top Channel