Në një fshat të vogël të Japonisë ka nisur masakra “legjitime” e delfinëve, në atë që konsiderohet si sezon i përvitshëm gjuetie, që vendos përballë njëri-tjetrit vlerat e ambientalistëve perëndimorë me atë që vendasit e quajnë praktike tradicionale gjuetie.
Taiji, një fshat bregdetar prej 3500 banorësh në prefekturën japoneze të Wakayamas, zhvillojnë çdo vit një sezon gjuetie ndaj delfinëve, që nis në Shtator e mbaron në Mars.
Peshkatarët vendas lejohen nga qeveria e prefekturës Wakayama, për të gjuajtur një kuotë vjetore prej afro 2000 delfinësh, të cilët variojnë ndër 7 specie të ndryshme, duke u bazuar në atë që qeveria lokale e quan praktikë tradicionale.
Shumica e delfinëve vriten për mishin e tyre, por shumë prej tyre shiten të gjallë për akuariumet anembanë botës.
Top Channel