Interi turpërohet nga Cagliari
28/09/2014 00:00
Është kthyer në “makineri golash” në Chelsea, Guardiola për Palmer: E kërkoi largimin nga ne para 2 vitesh, ja çfarë i pata thënë 19/04 22:24
Interi turpërohet në shtëpi nga Cagliari, i cili e ka mundur me rezultatin 1-4. Tingëllon e çuditshme, por pasditja e së dielës zikaltërve iu shndërrua në një makth.
Golit të Sau-t, në minutën e 10-të i përgjigjet Osvaldo shumë shpejt. Megjithatë dalja e Nagatomo-s me kartonin e kuq në minutën e 27-të, i hap rrugën tripletës së Ekdal, i cili shënon gjithçka brenda pjesës së parë duke çuar shifrat në 1-4.
Kjo ishte dhe fitorja e parë sezonale për Cagliari-n e Zeman-it, që ngre nga ana tjetër shumë pikëpyetje për situatën e Interit.
Edhe skuadra tjetër e Milanos, ka treguar limitet e saj në transfertën ndaj Cesena-s, ku nuk shkoi më tepër se barazimi 1-1.
Skuadrës së Inzaghi-t i është dashur të rikuperojë golin që Abiatti ja dhuroi kundërshtarëve, gjithsesi, pas barazimit të Rami, deri në fundin e takimit kuqezinjtë nuk mundën të bënin më asgjë për të ndryshuar shifrat.
Ndërkohë Napoli është rikthyer te fitorja. Pas dy humbjeve radhazi me Chievo-n dhe Udinese-n dhe barazimit me Palermon, skuadra e Benitez fiton me Sassuolon me rezultatin 1-0, falë golit të Jose Maria Callejon.
Top Channel
