Zyrtare, miqësore Itali-Shqipëri
29/09/2014 00:00
Xhaka: Roma skuadër Championsi, por në finale shkojmë ne 19/04 14:33
Muaji nëntor rezervon dy miqësore luksi për kombëtaren shqiptare. Pas Francës, të cilën e kemi në grup, por si vend organizator është e kualifikuar direkt në Europian dhe rregullorja e UEFA-s në këtë rast parashikon zhvillimin e ndeshjeve miqësore me skuadrat e tjera të grupit, konfirmohet edhe ajo më Italinë.
Takimi do të zhvillohet më datë 18 nëntor, katër ditë pas sfidës me “Gjelat”, në orën 18:00 në stadiumin “Tardini” të Parmës.
Miqësorja konsiderohet si historike, pasi kombëtarja shqiptare nuk është përplasur asnjëherë me katër herë kampionët e botës.
Gjithcka ka mbërritur pas kontakteve fillimisht mes dy trajnerëve, Conte dhe De Biasi e më pas janë futur në lojë dy federatat përkatëse.
Italia ishte në kërkim të një kundërshtari për këtë datë, ndërkohë që besohet se në pranimin e sfidës me Shqipërinë ka ndikuar edhe fitorja 1-0 në Portugali në ndeshjen e parë të grupit tonë eliminator.
Gjithsesi, para Francës dhe Italisë Shqipërinë e presin dy takimet që mund të rezultojnë vendimtare për ambiciet e kuqezinjëve. I pari është ai ndaj Danimarkës në Elbasan, i parashikuar më datë 11 tetor dhe tre ditë më vonë ai ndaj Serbisë në Beograd.
Top Channel
