Sherr me thika në burgun e Greqisë
05/10/2014 00:00
Prokuroria nis hetimet ndaj ish-presidentit malazez, shkak intervista e Gjukanoviç pas arrestimit të zyrtarëve 26/04 21:51
Një i burgosur shqiptar u plagos rëndë me thikë, nga i dënuari me burgim të përjetshëm Alket Rizai.
Ngjarja ndodhi në burgun e sigurisë së lartë, Dhomokos, pasditen e së shtunës. Korrespodenti i Top Channel në Athinë njoftoi se, sipas burimeve nga burgu i Dhomokosë, gjithçka filloi pas një ofeze që 39-vjeçari i plagosur i bëri Alket Rizait.
Rizai e qëlloi të dënuarin disa herë, duke i shkaktuar plagë të rënda, por ai ndodhet jashtë rrezikut për jetën. Në ndihmë të Rizait u gjendën edhe dy të dënuar të tjerë shqiptarë, të cilët u ndaluan prej gardianëve.
Alket Rizai u dërgua në qelinë e izolimit, ndërsa autoritetet e burgut do të ngrejnë një tjetër akuzë ndaj tij. Ai njihet gjerësisht në opinionin publik si personi që është arratisur nga burgjet greke përmes helikopterëve.
Top Channel
