Rritja e numrit të turistëve polakë në Shqipëri ka nxitur ambasadorin
polak në Tiranë të takojë të zgjedhurit lokalë në qytetin e
Gjirokastrës.
Nderkohe ne takimin me kryebashkiakun Flamur Bime eshte diskutuar edhe per rolin e qeverisjes vendore ne integrimin e vendit.
“Zhvillimi i qeverisjes lokale sipas përvojes polake është shumë i rëndësishëm. Reforma e bërë në Poloni për qeverisjen vendore më shumë se 20 vite më parë ka sjelle rezultate shumë të mira dha tashme jemi deshmitarë që në Poloni pushteti lokal është zhvilluar në mënyrë të gjithanshme duke përfshirë aspektin ekonomik, arsimor dhe kulturor. Roli i qeverisjes lokale në procesin e integrimit europian është shumë i rëndësishëm dhe forcimi i kompetencave të pushtetit lokal do ti shërbejë procesit të integrimit të Shqipërisë në Bashkimin Europian”, thotë Marek Jeziorski.
Jeziorski ka pohuar se e shikon me shumë rëndësi zhvillimin e turizmit në Shqipëri e veçanërisht në Gjirokastër.
“Kontaktet e Gjirokastrës me Polonine kanë ecur ndjeshëm dhe kjo përsa i përket shkëmbimeve kulturore dhe veçanërisht atyre turistike, ku numri i turisteve polake që vizitojnë Gjirokastrën ka ardhur gjithnjë në rritje”, shtoi më pas ambasadori.
Kreu i bashkisë Flamur Bime ka pohuar në përfundim të takimit se u diskutua mundesia e shume pikave të bashkëpunimit, në rradhë të parë midis të rinjve të qytetit të Gjirokastrës dhe atyre Polake, por edhe midis agjensive turistike Polake dhe atyre Gjirokastrite.
Vetëm gjatë dy viteve të fundit në trendin e përgjithshëm të vizitorëve që mbërrijnë në Gjirokastër si pjesë e itinerarit të tyre në Jug më shumë se 25% e tyre kanë qenë turistë polakë nga rreth të paktën 1% që ka qenë numri i tyre 5 vite më parë.
Top Channel