Cilin mbiemër të mbaj?

“Ka nga ata që zgjedhin të marrin mbiemrin e bashkëshortes në raste të rralla dhe për arsye dokumentacioni”, thotë një punonjëse e gjendjes civile.

Por, gjithsesi këto mbeten raste shumë sporadike pasi pyetja më e shpeshtë që shtrohet në diskutim është pikërisht një vendim që më së shumti u takon femrave.

“Në zyrat tona vijnë për shpallje martese, pas 11 ditësh vijnë të bëjnë aktin e martesës. Kryesisht zgjedhin mbiemrin e bashkëshortit, por ka edhe nga ato që zgjedhin mbiemrin e tyre për të mos ndryshuar dokumentet, pashaportë, diploma etj. Janë 20% që zgjedhin mbiemrin e tyre dhe 80% të bashkëshortit”, shpjegon punonjësja e gjendjes civile.

Por, kjo nuk është një pyetje që nxit diskutim vetëm në vendin tonë, por në të gjithë botën. 10% e amerikanëve mendojnë se mbajtja e mbiemrit të vajzërisë do të thotë se nuk je dedikuar në martesën tënde. 50% mendojnë se duhet të jetë ligjërisht e kërkuar që të marrësh mbiemrin e burrit.

Prirja e grave për të mbajtur mbiemrat e tyre të vajzërisë pas martesës arriti kulmin në vitet ‘90, kur rreth 23% e grave mbanin mbiemrin e vajzërisë, shifër që erdhi duke u zbutur gradualisht në rreth 18% në vitin 2000. Ky është reultati i një studimi 35-vjeçar i  Social Behavior and Personality. Dhe studimet tregojnë se vendimet e grave në këtë çështje janë më tepër për shkak të faktorëve të tjerë sesa ideve politike apo fetare, në lidhje me të drejtat e grave, apo rolet martesore, sikurse besohet shpesh.

Top Channel