Beograd, digjet flamuri shqiptar

Masat ekstreme të sigurisë janë ndërmarrë për shkak të frikës së incidenteve të mundshme për shkak të derbit që po zhvillohej mes rivalëve të kryeqytetit serb, Partizani-Cervena Zvezda në stadiumin e Partizanit, aty ku i zhvillua edhe ndeshja e ndërprerë Serbi-Shqipëri, që ndodhet më pak se një kilometër larg.

Pranë ambasadës forca të shumta policore dhe pajisje për shpërndarjen e turmave qendruan për disa orë. Zona ishte e rrethuar dhe çdo rrugë që çonte tek ambasada shqiptare ishte e bllokuar. Veç ambasadës shqiptare, masa të forta sigurie kishte forca shtesë edhe tek ambasadat tjera.

Ndërkohë para fillimit të ndeshjes tifozët serbë dogjën flamurin shqiptar dhe u rrahën ende pa filluar ndeshja, ndërsa gjatë lojës gjyqtarët u detyruan të ndërpesin ndeshjen dy herë pasi tymi nga pishtarët bllokoi pamjen në pjesën më të madhe të stadiumit.

Tifozët e Partizanit sulmuan futbollistët e Cërvena Zvezdës në parkingun e autobusëve.

Në lagjen e ambasadës policia serbe menjëherë pas ndeshjes bllokoi kalimin për këmbësorët. Pas vlerësimit se rreziku kaloi, pjesa më e madhe e njësive speciale u larguan nga zona.

Top Channel