Poroshenko: Fituan forcat pro-ukrainase dhe pro-perëndimore

27/10/2014 00:00

Presidenti ukrainas Petro Poroshenko ka ne plan te nise bisedimet e
koalicionit pas fitores se partive pro-perendimore ne zgjedhjet
parlamentare te se dieles.

Rezultatet paraprake tregojne se blloku i tij dhe ai i kryeministrit Arseniu Yatseniuk kane marre secili 22 % te votave. Poroshenko falenderoi zgjedhesit per mbeshtetjen e dhene mazhorances demokratike, reformatore, pro-ukrainase dhe pro-europiane, siç e cilesoi kreu i shtetit. Ne zonat lindore te kontrolluara prej rebeleve perkrahes te Moskes, procesi i votimit nuk u zhvillua.

“Me shume se tre te katertat e votuesve qe moren pjese ne zgjedhje i dhane nje mbeshtetje te forte e te pakthyeshme rruges se Ukraines drejt Europes. Ne menyre qe te mos humbim me teper kohe, konsultimet e koalicionit do te nisin te henen. Kemi 10 dite ne dispozicion per te krijuar qeverine me te mire te mundshme ne ukraine sepse asnje ekzekutiv tjeter nuk i perballon dot sfidat madhore me te cilat perballet vendi”, tha Poroshenko.

Nje sere vendesh ne parlament qe i takojne rajoneve te Donetskut e Luhanskut do mbeten vakante, ashtu siç do te ndodhe me Krimene e aneksuar nga Rusia ne muajin mars. Separatistet planifikojne te mbajne zgjedhjet e tyre te dielen qe vjen. Keto ishin te parat zgjedhje legjislative ne Ukraine qe prej permbysjes se ish presidentit pro-rus Viktor Janukoviç nga pushteti ne muajin shkurt pasi refuzoi te nenshkruante marreveshjen e afrimit me Bashkimin Europian.

Votimet erdhen ne kohen e nje krize te rende energjetike per vendin te cilit Rusia i ka nderprere furnizimin me gaz per shkak te mosmarrevshjeve mbi faturat e papaguara. Edhe ekonomia e Ukraines rezulton te jete ne prag kolapsi me GDP-ne e parashikuar te bjere kete vit nga 7 deri ne 10%.

Top Channel