Gjykata e Lartë, rrëzohen dekretet e Nishanit
30/10/2014 00:00
“Institucion pensionistësh”, projektligji për prefektin e qarkut përplas Ballën me Çupin, ministri: Kolegët e opozitës duhet të reflektojnë 18/04 12:39
Ashtu siç pritej, shumica në Kuvend ka rrëzuar dekretet e presidentit Bujar Nishani për anëtarët e Gjykatës së Lartë. Por emri i Sokol Ngresit ka marrë 67 vota kundër, 7 vota pro dhe një abstenim.
Pro dekretit të presidentit, përveç Spartak Brahos, që ishte deklaruar më herët, u rreshtuan edhe deputetë të tjerë të LSI, si dhe deputeti i vetëm i opozitës, ai i PDIU, Aqif Rakipi.
Ky i fundit, së bashku me dy deputetët e LSI, Spartak Braho dhe Shkëlqim Selami, ishin tre votat pro ndaj dekretit tjetër të presidentit, atij që mbante emrin e Elona Stavrit, e cila u rrëzua me 73 vota kundër.
Parlamenti votoi gjithashtu edhe kandidaturën e Albana Shtyllës dhe Vangjel Kostës për anëtarë të Këshillit të Lartë të Drejtësisë.
Edhe në këto votime pati vota kundër nga radhet e mazhorancës, por ato u miratuan me shumicë nga e majta në Kuvend.
Top Channel
