Çmimet “Maria Kraja”
02/11/2014 00:00
“Ka folur për moralin tim”/ Sara shpërthen ndaj gazetarit të njohur: S’është burrë, e kam ndihmuar në fillimet e tij…
19/04 22:18
Është sopranoja turke Deniz Yetim fituesja e çmimit “Maria Kraja” e edicionit të 14-të të festivalit ndërkombëtar operistik që u zhvillua në Tiranë.
Vendin e dytë e zuri sopranoja nga Kosova, Marigona Qerkezi. Çmimi i tretë shkoi për rumunin Remus Alazaroe.
Çmimet e lirikës u dhanë nga një juri ndërkombëtare, ndërsa për çmimin “Song price”, orkestra e Teatrit të Operës dhe Baletit votoi për Vassia Zacharopoulu.
Vassia Zacharopoulu, erdhi nga Greqia për të marrë pjesë në këtë edicion, ku u paraqitën artistë nga vende të ndryshme të botës.
Mbi vlerat e festivalit foli kreu i jurisë ndërkombëtare, drejtori i Operës Shtetërore të Vjenës, Dominique Meyer.
“Mendoj se është një festival i bukur. Ka shumë të rinj nga vende të ndryshme, të cilët janë të përgatitur. Më pëlqen mënyra sesi organizohet këtu sepse është ndryshe, më pëlqen dhe fakti që Teatri i Operës është i mbushur, kjo tregon interesin e njerëzve për këtë festival”, tha Mayer.
Top Channel
