Në të gjitha lagjet e Tiranës shihen çdo ditë autobotë që shesin ujë që
reklamohet si ujë i pijshëm. Këta autobotë janë jashtë çdo kontrolli
higjenik.
Ku mbushen një pjesë e madhe e këtyre autobotëve? A është vërtet i pijshëm uji i tyre? Fiks Fare këtë të hënë bëri publik një investigim mbi çështjen në fjalë ku kamerat e fshehta kapën “në flagrancë” autobotë duke u mbushur jashtë çdo kushti higjenik dhe sanitar.
***
Biseda me shitësin 1 (Kombinat)
Fiksi: I mirë është ëëë?
Shitësi: I njomë është, por pihet.
Fiksi: Ku e mbushni këtë ujin?
Shitësi: Tek burimi.
Fiksi: Ndonjë analizë ndonjë gjë i bëni?
Shitësi: Po.
Fiksi: Ku ja bëni?
Shitësi: Atje tek rruga…
Fiksi: Ku?
Shitësi: Atje ëëë…Atje ku bëhen këto analizat e ujit.
Fiksi: Shumë mirë. Faleminderit!
***
Biseda me Shitësin 2 (Yzberish)
Fiksi: I pastër është ky uji apo jo?
Shitësi 2: Po.
Fiksi: E ku mbushet?
Shitësi 2: E mbushim në Priskë.
Fiksi: A përdoret për të pirë se unë është hera e parë që mbush këtu edhe…
Shitësi 2: Po i pastër është. E kam me analiza.
Fiksi: Faleminderit!
***
Biseda me shitësin 3 (Porcelan)
Fiksi: Është ujë i pastër apo jo?
Shitësi 3: Po.
Fiksi: E ku mbushet?
Shitësi 3: Mbushet lart në Dajt.
Fiksi: Në Dajt?
Shitësi: Po.
Fiksi: Sa është një bidon?
Shitësi 3: 300 lekë (të vjetra). Faleminderit!
Fiksi: Pihet apo vetëm për të gatuar?
Shitësi 3: Po po, edhe për të pirë.
Fiksi: Ok. Faleminderit!
Top Channel