Dy trajnerë italianë për Flamurtarin
05/11/2014 00:00
Egnatia përmbys Laçin, rrogozhinasit me tjetër “marsh” në pjesën e dytë 20/04 17:02
Ernestino Ramela dhe Paolo Doto do të jenë trajnerët e rinj të ekipit të futbollit Flamurtari. I përfolur prej disa ditësh, më në fund skuadra vlonjate ka prezantuar pasardhësin e Ernest Gjokës, i pezulluar nga drejtuesit e klubit një javë më parë.
Dy trajnerët e rinj kanë ardhur nga Italia dhe prej tre ditësh gjenden në Vlorë duke parë nga afër gjendjen e ekipit të Flamurtarit. Sipas trajnerit të ri të sapoemëruar, futbollistët janë në një gjendje të mirë. Ai ka deklaruar se shpreson që ekipi të jetë pjesë e kupave të Europës.
Ramela, trajneri i ri i skuadrës vlonjate, ka një eksperiencë dhjetëra vjeçare me ekipet e futbollit në Meksikë dhe Zvicër.
Kontrata e dy trajnerëve të rinj është e vlefshme deri në fund të sezonit.
Top Channel
